विज्ञापन आवंटन मा भेदभाव पर सीएम तैं ज्ञापन

विज्ञापन आवंटन मा भेदभाव पर सीएम तैं ज्ञापन

देहरादून। विज्ञापन आवेदन मा भेदभाव का विरोध मा उत्तराखण्ड पत्रकार संघ न मुख्यमंत्री तैं 10 सूत्री ज्ञापन सौंपि। मुख्यमंत्री न आश्वासन देंद समस्या निदान को भरोसु दिलै।
महासंघ प्रतिनिधिमण्डल न सीएम तैं राज्य स्थापना दिवस कि बधाई देंद मुख्यमंत्री आवास मा आयोजित सामूहिक भोज का मौका पर मुख्यमंत्री त्रिवेंद्र सिंह रावत से भेंट कैकि स्थानीय साप्ताहिक, पाक्षिक अर मासिक पत्र पत्रिकों का दगड़ि। विज्ञापन आवंदन का मामला मा राज्य कि दोहरी नीति को विरोध दर्ज करि। सीएम न प्रतिनिधिमण्डल तैं आश्वासन देंद बोलि कि वो जल्दी हि समस्या का समाधान कोशिश करला।
महासंघ का प्रदेश अध्यक्ष निशीथ सकलानी न ये मौका पर बोलि कि प्रदेश का तमाम साप्ताहिक, मासिक अर पाक्षिक समाचार पत्रें अर पत्रिकों दगड़ि अलग अर दैनिक अखबारों का मामला मा सौतेलु बर्ताव करे जाणू छ। वूंन बोलि कि महासंघ का अलावा तमाम पत्रकारों मा यीं दोगली नीति तैं ल्हेकि आक्रोश छ। वूंन मांग कैकि तमाम पत्र-पत्रिको तैं दैनिक पत्रें का समकक्ष विज्ञापन आवंटित करे जाव। लम्बित समाचार पत्रें कि विज्ञापन सूचीबद्धता तैं ल्हेकि बैठक जल्दी बुलै जाव। पत्रकार मान्यता समिति को जल्दीे गठन करे जाव। अर मान्यता संबंधीेेेे आवेदनों को जल्दी निपटान करे जाव। मांग करे ग्ये कि जो अखबार पूर्व में डीएवीपीे अर सूचना विभाग मा सूचीबद्ध छन वूंतैं पैल्ये बटी सूचीबद्ध मानी विभागीय दरों पर विज्ञापन आवंटित करे जावन। पत्रकारों अर वूंका आश्रितों का वास्तो लम्बित सामूहिक बीमा योजना जल्दीे लागु करे जाव। पत्रकार पेंशन संबंधीे मानक सरल करे जावन। अर हौर राज्यों कि तरां पत्रकारे पेंशन पांच से 10 हजार मासिक करे जाव। 
महासंघ मांग करि कि पेंशनधारी पत्रकार का निधन पर वेका आश्रितों का वास्ता फेमिली पेंशन योजना लागु करे जाव। राज्य सरकार का अधीन निगम बोर्ड अर समित्यों विभिन्न अवसरों पर अपणा विज्ञापन स्वयं जारी कनै आजादी दिये जाव। पत्रकार हितों से जुड्याें तमाम मामलो जो कि सूचना विभाग स्तर पर हल “वे सकदन। वूतैं जल्दी निपटै जाव अर शासन स्तर का मामलों तैं विभाग अपण स्तर से सरकार तैं प्रेषित करो। 
प्रतिनिधिमण्डल मा महासंघ के प्रदेश अध्यक्ष निशीथ सकलानी, जिला देहरादून का अध्यक्ष सुशील चमोली, प्रदेशमंत्री सुभाष कुमार, जितेन्द्र नरूला, प्रदेश कोषाध्यक्ष, दीपक गुसांई, नरेश रोहिला, राकेश शर्मा, राकेश भट्ट, दिवान सिंह राणा, विक्रम रौथाण, दिगम्बर उपाध्याय, सुरेन्द्रनाथ भट्ट, रणजीत रावत, बी-एस- नेगी सहित उत्तराखण्ड पत्रकार महासंघ से जुड्यां कथगै मीडियाकर्मी शामिल छा।