आंदोलनकार्यों न ल्हे विकास को संकल्प

देहरादून। स्थापना दिवस पर राज्य आंदोलनकार्यों न संकल्प ल्हे कि वो अब राज्य का विकास खुण संघर्ष करला। किलैकि राज्य प्राप्ति आंदोलन का दौरान क्षेत्रीय जनता न विकास कि ज्व तस्वीर बणै छै वींका अनुरूप काम नि “वे सक्यु। अब यो दायित्व वूंतैं हि उठौण पड़लो।
यख शहीद स्मारक स्थल मा कठा होया राज्य आंदोलनकार्यों का तमाम संगठनों न सबसे पैलि एक दुसरा तैं राज्य स्थापना  विकास कि बधै दिनि। वांक बाद वूंन राज्य आंदोलन का शहीदों का चित्रें पर फूल माळा चढ़ैकि वूंको भावपूर्ण स्मरण करि। राज्य आंदोलनकारी मंच न ये टैम पर मांगळ गीत प्रस्तुत कैरी समारोह कि शुर्वात करि। यांक बाद हास्य नाटिका अर लोकगीतों कि प्रस्तुति दिनिन।
ये मौका पर शहीद राजेश रावत कि मां आनन्दी रावत, वरिष्ठ आंदोलनकारी सुशीला बलूनी, राज्य आंदोलनकारी मंच अध्यक्ष जगमोहन सिंह नेगी, ओपी उनियाल, रविन्द्रे जुगरान समेत दर्जनों आंदोलनकारी उपस्थित रैनि। कार्यक्रम का दौरान मुख्यमंत्री त्रिवेन्द्र सिंह रावत का शहीद स्थल मा नि पौंछण पर दुख प्रगट करे ग्ये। आंदोलनकार्यों न अफसोस जाहिर कर्द बोलि कि राज्य निर्माण का बाद से यो पैलु मौका छ जब स्थापना दिवस पर मुख्यमंत्री शहीदों तैं श्रद्धांजलि देणो नि पौंछा।
वुनै चिन्हित राज्य आंदोलनकारी समिति कि महिला प्रकोष्ठ कि अध्यक्ष सावित्री नेगी का नेतृत्वे मा शहीद आंदोलनकार्यों तैं याद करे ग्ये। समिति का केन्द्रीय अध्यक्ष जे0पी0 पाण्डे न बोलि कि शहीदों न जै विकसित राज्य कि कल्पना करि छै। वूंतैं मूर्तरूप देणे दिशा मा समिति को सदस्य समर्पण का साथ काम कनौ तयार अर संकल्पबद्ध छन।
नेताजी संघर्ष समिति न शहीद स्मारक पर शहीदों तैं श्रद्धांजलि देंद समिति का अध्यक्ष अरविन्द गुप्ता अर प्रभात डंडरियाल न  बोलि कि जनभावनों को सम्मान देणो राज्य सरकारों तैं राज्य कि राजधानी गैरसैंण बणोणा वास्ता समिति संकल्प ल्हेंद।
 ये मौका पर मुख्यमंत्री आवास मा वृहद भोज रखे ग्ये। जैमा पहाड़ी व्यंजनों कोदै र्वटि भंगजीर कि चटनी, झगौरेे खीर, मिठुभात, चैैंसु, फाणु अर अरसों को लोगुन खूब आनंद लिनि। वूंन आहवान् करि कि प्रदेश का लोग संकल्प करन कि औण वळा चार साल मा यिथगा विकास हो कि प्रदेश मा प्रति व्यक्ति आय राष्ट्रीय स्तर पर सबसे जादा “वे जाव। ये मौका पर मुख्य अतिथिन पुलिस परेड को निरीक्षण बि करि।